අපේ ගෙදර ප්‍රධාන පාර අයිනෙ හන්දා වෙලාවකට පුදුම වදයක්. කන ගාවින් වාහන සද්ද. දැන්නම් ඉතින් කම්මලේ බල්ල ගානට ඒ සද්ද පුරුදු වෙලා. හැබැයි අවුරුදු එක හමාරක් වෙච්චි අපේ පොඩ්ඩනම් පොඩි වාහන සද්දෙටත් අවදි වෙනව. ඔය අව් අස්සෙ වාහනයක් ගේ ඉස්සරහ නවත්තල හෝන් එක ගහන්න ගත්තා.
" නොදකින් අවලම් හැත්ත, මුන්ගෙ @!#%$ යකෝ " කියල බොහොම පහන් සංවේගයෙන් හිතින් හිතන ගමන් මොකාද මේ කියල බලන්න නැගිට්ටෙ මුන්ගෙ හෝන් සද්දෙට පොඩ්ඩ අවදි උනොත් වැඩ සේරම හබක් නිසා.
මෙන්න බොලේ පොලිස් ජීප් එකක් නවත්තල. " මල්ලි, පියදාස හෝටලේ කොහෙද මල්ලී "
අපේ බාසාවෙන් කියනවනම් කරටි කැඩෙන්න ගහපු ඩෑල් එකක් මගෙන් අහනව. ඇහ්, කවුද යකෝ පොලිස් ජීප් එක ඇතුලෙ ඉඳන් කතා කරන ඩෝප් පොර.
පොලිස් උත්තමයො දැක්කහම ගණන් නොගන්න, පොඩ්ඩක් වටේ යවන ගතියක් මට උපතින් පිහිටල තියෙන හින්ද, කලින් අහපු එක ඇහුනෙ නැති ගාණට ආයෙම අනිත් පැත්තට ඇහුව " මොකක්ද ? " කියල.
අර කලින් පොරම කලින් ප්‍රශ්නෙම ඔන්න ආයෙත් මගෙන් අහපි. නට් පුක් වෙන්න වැදිල ඉන්නෙ ඩ්‍රැයිවර් උන්නැහේටනෙ යකෝ. සෙනිකව මගෙ ඔලුවට ආවෙ 25,000 දඩේ.
ජීප් එක ඇතුලෙ තව දෙන්නෙක් ඉන්නව. පොලිස් රාලහාමිලා දෙන්නෙක්.
" පියදාස හෝටලේ ? එහෙම එකක් මම දන්නෙ නෑ "
ඒ ගමන ඇතුලෙ ඉන්න රාලහාමි ටෝච් එක ගහල කොලයක් බලල අහනව
" ප්‍රියංග හෝටලේ කොහෙද ?" කියල.
ඩ්‍රැයිවර් රාලහාමිට පොඩ්ඩක් මිෂ්ටේකන් එකක් වෙලා. මටත් වෙරි වගේ.
" ඒකනම් ඔන්න ඔතන ඉස්සරහින් වමට හැරිල මීටර් විස්සක් යද්දි තියෙන්නෙ "
මම උත්තර දුන්න.
" ඒ කිට්ටුව ඉන්නවද සුජාත කියල ගෑනියෙක් ? "
පොලිස් රාලහාහාමිලාට අනන්‍ය සුමුදු බස් වහර. කණට මී පැණි වගේ.
මොහොතක කල්පනාවකට වැටිල ආයෙම පියවි සිහියට එද්දි මතක් උනේ, මේ හාදයො ටික අහන්නෙ කාන්තාවක් ගැන නේද, එහෙමනම් කෝ කාන්තා පොලිස් නිළධාරිණියක් කියන කාරණාව.
සුජාතව දන්නව උනත්
" එහෙම කෙනෙක් ගැන අහල නෑ, සමහර විට ගමේදි එන නමක් කියනව ඇති "
මම උත්තර දුන්න.
" එහෙනම් අපි ටිකක් ගිහින් බලල එන්නම්කො "
කියල බොහොම ගරු ගාම්භීරව කියාපු අර ඩ්‍රැයිවර් රාලහාමි දර දරස්, දර දරස් ගාල කසි කබල් ජීප් එක පණ ගන්නල, ඩක ඩකස් ගාල ගියර් එකට දැනකොට ආයෙම මට මතක් උනේ 25,000 දඩේ.
ඒත් එක්කම අනිත් අතට මෙහෙමත් හිතුනා,
" නඩුත් හාමුදුරුවන්ගෙ, බඩුත් හාමුදුරුවන්ගෙ " කියන්නෙ කට කහනවටැයි නෙහ්
අනේද කියන්නෙ...ඔව්වා ඔහොම තමා ඉතින්...
ReplyDeleteපොලීසිය කියන්නෙත් එක විදියක රස සාගරයක්
Deleteඅනේ ඔව්.. රස වලත් තියෙනවනේ විවිධාකාර ඒවා. තිත්තත් එක රසක් නේ
Deleteඅනිවාර්යයෙන්ම :)
Delete